നേര്

 എന്നിലേക്ക് വന്ന ഉത്തരങ്ങൾ

എന്നെ നയിച്ച ധൈര്യം 

എന്നെ പൊതിഞ്ഞ കരുതൽ

എന്നുള്ളിലെ പ്രാണൻ

എൻ്റേതെന്നു തോന്നുന്ന ശരീരം

എല്ലാം നീയാണെന്നറിയുമ്പോൾ

അതിർത്തികൾ മാഞ്ഞ്

നേര് തെളിയുന്നു

ഞാനും നീയും ഇല്ലാതാകുന്നു

ഒന്നുമില്ലാതാകുന്നു

ഞാൻ

 ഓരോ ചോദ്യത്തിനും

ഓരോ വേദനക്കും

ഓരോ പരാതിക്കും

ഓരോ നിശബ്ദതയ്ക്കും

മറുപടി കരുതി വയ്ക്കുന്ന ഇടം

മറുപടി വേണ്ടാത്തപ്പോൾ 

ഒച്ചയില്ലാത്ത കരുതൽ ആകുന്ന ഇടം

എപ്പോളും ഉണ്ടാവുന്ന ഒരിടം

Answers

 Why do I have light

To pass it on 

Why do I have smile 

To smile at

Why do I have love

To spread away 

Why do I have role 

To be there

Why do I have questions 

To answer 

It's all simple if you don't look further 

I am not looking 

വീട്

  

 നിൻ്റെ കൈവലയത്തിനുള്ളിൽ

നിൻ്റെ ഉമ്മകൾക്ക് നടുവിൽ

നിൻ്റെ കൈപ്പിടിയിലെ കരുതലിനുള്ളിൽ

കുഞ്ഞു സമ്മാനപ്പൊതികളിൽ

നീ പ്രണയത്തെ അടയാളപ്പെടുത്തവേ 

ഇല്ലാതെ പോയ എൻ്റെ ബാല്യത്തിൽ ഞാൻ മടങ്ങിയെത്തി

പേടിയില്ലാതെ വളരാൻ തുടങ്ങി

ഇണയായി തുടങ്ങി

കൂട്ടായി വളർന്ന്

നീ എൻ്റെ വീടായി മാറി.

കണ്ടെത്തലുകൾ

പറയണമെന്നും

കേൾക്കണമെന്നുമുള്ള നിൻ്റെ വാശി

കേൾവിയും പറച്ചിലും എൻ്റെ മതിലുകൾ തകർക്കുമെന്ന പേടി

എന്നിട്ടും സംഭവിച്ച പറച്ചിലുകൾ കേൾവികൾ

നിന്നെയും നിനക്കും അറിയാമെന്ന വിശ്വാസം

ഒരുപതിറ്റാണ്ടിൻ്റെയിപ്പുറത്തും

ഇതിനെയാണ് ഞാൻ

പ്രണയമെന്നടയാളപ്പെടുത്തുന്നത് .

വെളിച്ചം

ഇവിടെ മുഴുവൻ വെളിച്ചമാണ്

കറുത്ത തിരശ്ശീലയായി അഹം. 

ഞാൻ അനുവദിക്കുമ്പോൾ 

വെളിച്ചം എന്നിലേക്ക് പടരുന്നു

ചുറ്റും സുഗന്ധം പരക്കുന്നു 

ഞാൻ ചിരിക്കുന്നു

നീലയും വെള്ളയും നിറങ്ങൾ

നീല അഗാധമായ ചിന്തയാണ്

വെള്ള തെളിച്ചമുള്ള ചിന്തയാണ് 

നീലയിൽ നിന്ന് വെള്ളയിലേക്കും

വെള്ളയിൽ നിന്ന് നീലയിലേക്കും

വൃത്തത്തിലുള്ള യാത്രയാണ്

നീല തന്നെയാണ് വെള്ള എന്നറിയും വരെ