ഇല്ലാത്ത കവിത 

കാറ്റേ നീ ശബ്ദങ്ങളെയെല്ലാം ഒപ്പിയെടുക്കുക
ഇതാരും കേൾക്കേണ്ടാത്ത ജല്പനങ്ങൾ
ഇരുട്ടേ നീ കാഴ്ച്ചകളൊക്കെയും മൂടി വയ്ക്കുക
ഇതാരും കാണേണ്ടാത്ത  കാഴ്ച്ചകൾ
ശരീരമേ നീയെന്നെത്തന്നെ മറക്കുക
ഞാൻ ഇവിടെ ഉണ്ടാകേണ്ടാത്ത ആൾ
ഇത് വായിക്കപ്പെടെണ്ടാത്ത കവിത
അക്ഷരങ്ങളെ  നിങ്ങൾ അലിഞ്ഞില്ലാതാവുക
കാരണം എഴുതുമ്പോൾ ഞാൻ നിങ്ങളെ കണ്ടതേയില്ല
ഇത് ഞാൻ കാണാതെഴുതിയ കവിത
അഥവാ ഇല്ലാത്ത കവിത