എല്ലാം ഒരു സ്വപ്നം പോലെ തോന്നുന്നു...
പെയ്തു തീർന്ന മഴ ബാക്കിയാക്കുന്ന ശബ്ദങ്ങൾക്ക് കാതോർത്ത് കിടക്കുന്ന അവസ്ഥ...
ഒന്ന് കൈ നീട്ടിയാൽ തൊടാവുന്ന അകലത്തിൽ നീ ഉണ്ടെന്ന അറിവ്..
കുടക്കു കീഴിൽ തനിച്ചായി പോകുന്ന മഴക്കാലങ്ങളെ  വിട..
ഇനി  നനയാനുള്ള മഴ  മാത്രമാണ് ബാക്കി.
ശാന്തമായ മനസ്സോടെ സ്നേഹിക്കുന്നത് തുടരാം
നിറയെ കുപ്പിവളകൾ ഇട്ട് എന്റെ കൈകൾ ഞാൻ ഒരുക്കി വക്കുന്നു..
നീ വന്നെന്റെ കരം ഗ്രഹിച്ച് മഴയിലേക്ക് കൂട്ടിക്കൊണ്ടു പോകുക..

ജീവിതം ഇത്ര എളുപ്പമാണെന്ന് ഇപ്പോളാ അറിയുന്നത്..
കളിക്കളത്തിലെ കൂട്ടുകാർ എന്നെ ഒരുപാടങ്ങ്‌ ചെറുപ്പമാക്കുന്നു ..ബാല്യമിപ്പോളും എൻറെ കൂടെത്തന്നെയുണ്ട്...

ജയിക്കുവാനുള്ളാശ വെടിഞ്ഞപ്പോൾ
തോൽവി എന്നെ വെറുക്കാൻ തുടങ്ങി

പരിണാമപ്പെടുന്ന തത്ത്വചിന്തകൾ 

ദൈവമെന്നാൽ ബഹുവചനമാണ്
അതുകൊണ്ടാണല്ലോ അവരുടെ ദൈവം
ഞങ്ങളുടെ ദൈവത്തോട് മത്സരിക്കുന്നതും
അവരുടെയും ഞങ്ങളുടെയും കുഞ്ഞുങ്ങൾ
ബോംബുകൾക്കിടയിൽ മരിക്കുന്നതും

Friend its for you

I were behind you

always a few steps back

my foots were bare

so steps were silent

you never turned back

it's not your fault

I was there as if I was not

so it is my fault

not informing you my presence

I don't know when you found me

I don't know what you thought about me

still that event

you were not defined

from the moment you realised

my presence behind you

or it may feel like,

searching and finding out..

like in a fairy tale

more and more pleasure comes

thanks God for your decision

to expose what I hide till

the most sacred friendship

hey friend that much I care my friends

that much I love them

that much I need them

so I think you heard 

what I aimed to say

പ്രാർത്ഥന

ആംബുലന്സിന്റെ നിലവിളി കേൾകുമ്പോൾ കൈ കൂപ്പി പ്രാർഥിക്കാറുള്ള ഒരു പെണ്‍കുട്ടിയുണ്ടായിരുന്നു . പ്രാർത്ഥന വരവ് വെച്ച് എത്തി നോക്കിയ ദൈവം ആംബുലൻസിലെ അലക്കിയ തുണിയും പലചരക്കും കണ്ട് അറിയാതെ പറഞ്ഞു പോയി.... "ഈശ്വരാ ഇതെന്തു പരീക്ഷണം?"

മഴപ്പാട്ട്

വേനലിന്‍റെ ജ്വാലയായ് അഹങ്കരിച്ചു നിന്ന
കൊന്നപ്പൂക്കൾ മുഴുവൻ
കുതിർന്നു ദാ മണ്ണിലുണ്ട്
ശേഷിച്ച പൂക്കുലയിലൊക്കെ
വൈരക്കല്ലു പോലെ മഴമുത്തുകൾ
വിഷുവിലൊക്കെ നനവ് കോരിയിടാൻ
ഇനിയും വരാമെന്ന വാക്ക് തന്ന്
വേനൽ മഴ വന്നിട്ട് പോയി

കാണാപ്പുറം

ആളിക്കത്തുന്ന പ്രണയം
വിരഹത്തെ വച്ച് പൊറുപ്പിക്കില്ല
മഴക്കെന്നെയും  എനിക്ക് മഴയെയും
കാണാതെ വയ്യ

ദുസ്സൂചന

അസമയത്തെ കാക്കക്കരച്ചിലുകള്‍ നല്‍കിയ ദുസ്സൂചനയെ കുറിച്ചുള്ള തെരച്ചില്‍ അവസാനിച്ചത് രണ്ടാനച്ഛന്‍ അവളുടെ കിടക്കയിലിറ്റിച്ച ഒരു തുള്ളി രക്തത്തിലാണ് .

ഞാൻ ഉറങ്ങിക്കിടക്കുമ്പോൾ വന്നെത്തിനോക്കി പെയ്തു പോകുന്നതിൽ എനിക്കുള്ള കനത്ത പരിഭവം നീ അറിയുന്നുണ്ടോ മഴേ